Ane malu
dialase ada kedis sangsiah madan I sangsiah teken bojog madan I bojog. I
sangsiah teken I bojog masawitra. Sedek dina anu I sangsiah cagcag-cigcig
ngalih padang
“ih, bojog,
apa awinan iba tusing nyak ngae umah? Keto men panak ibane idah ideh gandong
iba. Sing padalem panak cenik, uli mara lekad ajak maidehan. Yen keto, apa
gunane iba ngelah lima
Mara keto
munyin I sangsiahe, jeg gedeg tur jengah I bojog, lantas masaut banggras tur
matbat,”ih, iba kedis sangsiah, kenken to munyin ibane ibusan, kai tusing
ngelah karirihan? Nah, apang tawang nyai, kai mula terehan bojog mawisesa,
ngidang ngabut gunung. Leluhur kaine kakaula baan Betara Rama. Ane malu duga
pamargan Ida Betara Ramane magebug ka lengka pura, leluhur kaine ngidayang ngae
kreteg di pasihe mambahan ka lengka pura. Pamuput nyidayang ngalahang maharaja
Rahwana muah sakadang warganida. Bas kaliwat
iba cangkah-cumangkah mapitutur teken kai. Nah ne tolih sebum ibane
jani,”
Lantas
kabesbes sebum I sangsiahe. Disubane telah uug, kaentungang maidehan kanti
benyah latig. I sangsiah sebet mimbuh jengah kenehne nepukin bikas I bojog buka
keto. Kabarat-kabirit pakeber I sangsiahe mangenang sebune kabesbes , maslambeh
midehan uuga teken I bojog. I sangsiah lantas nguningang tingkah I bojoge corah
ring ida pranda. Kenehne apange I bojog kadanda olih ida pranda. Sakewale ida
pranda tusing dadi niwakang danda. Sawireh keto nyangetang jengah kemehne I
sangsiahe, krana tusing maan lamun kenehne. Pamuputne ia sebet tur sedih padidi.
Keto
katuturan I bojog buin bangkung. Buka I bojog. Sebeneh-beneh anak nuturin
katampi jelek.
Tidak ada komentar:
Posting Komentar